"እዚ'ውን ክሓልፍ እዩ፡" ዓቅሎም ንዘጽበቡ ኣዕሩኽ ፈተውቲ ከነርግእ ብቀጻሊ ንጥቀመሉ ዘረባ እዩ። ብመሰረት ኣብ ዝተፈላለዩ ጥንታዊ ጽሑፋት ዝተገብሩ መጽናዕትታት፡ ቅድሚ ከባቢ 1,000 ዓመታት ኣቢሉ ብፋርሳዊ ገጣሚ ኣታር ወዲ ኒሻፖር ዝተጻሕፈ ዛንታ ሓደ ኻብ'ቶም ፈለምቲ ነዚ ሓረግ ኣብ ጥቅሚ ዘውዓሉ ጽሑፋት እዩ። እቲ ዛንታ በዚ ዝስዕብ እዩ ዝዝንቶ። ካብ ዕለታት ሓደ ብጥርዚ ስምዒታት ዝሳቐ ንጉስ ነበረ። ኣብ ዝዕወተሎም ወይ ነገራት ከም ውጥኑ ኣብ ዝኸዱሎም እዋናት፡ ልዕሊ መጠን ይፍሳህ። ዓለም ኣብ ኢዱ ዝጨበጠ ይመስሎ። ኵናት ኣብ ዝሰዓረሎም፡ ወይ ውጥናቱ ኣብ ዝፈሽሉሎም እዋናት ድማ፡ ዓለም ከም ኣፍ ዑንቂ ጸቢባቶ፡ ኵሉ ይጽልምቶ። መወዳእትኡ፡ ንኣማኸርቱ ኣብ እዋን ዓወት ክለዝብ፡ ኣብ እዋን ስዕረት ድማ ርእሱ ኸቅንዕ ዝሕግዞ ሓደ ምሉእ ሓሳ

ኣንጊህካ ተንስእ፣ ኣብ ስራሕካ ተረኸብ፣ ሓላፍነትካ ተሰከም፣ ሒደት ተዛረብ፣ መብጽዓኻ ፈጽም፣ ህይወት ቀላል እያ! ብዛዕባ ዘይትቆጻጸሮ ኣይትሕሰብ፣ ካብቲ ቅድሜኻ ዘሎ ኣይትህደም፣ ዘረባ ንኻልኦት ገዲፍካ፡ ኣብ ዕላማኻ ኣተኵር፣ ኣንፈት ንፋስ ብዘየገድስ፡ መኣዝንካ ኣይትስሓት፣ ህይወት ኣዝያ ቀላል እያ! ቅኑዕ እንተመሲሉካ ፈጽሞ፣ ጌጋ እንተመሲሉካ ኣይትፈጽሞ፣ ሰብ ከጣቅዓልካ ኣይትጸበ፣ ንውሽጥኻ ጥራይ ስማዕ፣ ህይወት ቀላል እያ! ንነብስኻ ኣፍቅር፣ ንባህሪ ኣፍቅር፣ ንኵሎም ፍጡራት ኣፍቅር፣ ኮታ ንኵሉ ከየጓነኻ ኣፍቅር፣ ህይወት ቀላል እያ! ቃንዛ ይመጽእ፣ ጨብጨባ ይኸይድ፣ ምርጫታትካ ግና ወትሩ ይስዕቡኻ፣ ትዓግበሉ ጥራይ ምረጽ፣ ህይወት ቀላል እያ! ዘድልየካ ብዙሕ ኣይኮነን፣ ርጉእ ኣእምሮ ጥራይ፣ ንጹር ዕላማ ጥራይ፣ ድሕሪ ውድቀት ናይ ምትንሳእ ትብዓት